📅 Días: 24, 25 e 27 de xullo de 2026
Con motivo da celebración do evento “O Encaixe no Camiño”, a Asociación de Empresarios e de Promoción Turística de Camariñas organiza o Mercado Medieval de Camariñas 2026, que se celebrará os días 24, 25 e 27 de xullo na vila de Camariñas.
Dentro da programación desta cita cultural e turística, o mercado contará cunha ampla variedade de propostas artesás e ambientación medieval, con música, espectáculos e actividades durante toda a fin de semana.
O prazo para inscribirse como feirante xa está aberto. As persoas interesadas deberán ter en conta e aceptar as seguintes bases de participación:
- Prazo e inscrición: A solicitude de praza deberá formalizarse en tempo e forma. O prazo para enviar solicitudes remata o venres 10 de xullo. A inscrición realizarase exclusivamente por vía telemática, a través dun formulario que se facilitará proximamente. É imprescindible achegar dúas imaxes do posto onde se vexan claramente os produtos a ofrecer.
- Criterios de selección: A organización valorará criterios como a participación en edicións anteriores, a orixinalidade e calidade artesanal dos produtos, a variedade das propostas e o equilibrio global do mercado. As solicitudes non seleccionadas quedarán en lista de agarda e, se se producen baixas, contactarase para formalizar a inscrición.
- Confirmación: A presentación da solicitude non implica a aceptación automática da participación no mercado. Unicamente aquelas solicitudes que sexan previamente aceptadas pola organización recibirán un correo electrónico coa confirmación da súa participación e coas indicacións necesarias para formalizar a inscrición.
- Prezo/Taxa: O importe establecido será de 30 euros para postos de ata 3 metros lineais, aboándose a cantidade proporcional correspondente no caso de superar dita medida. A taxa é única e en ningún caso se fará a devolución da mesma unha vez aboada, salvo causa moi xustificada.
- Medidas dos postos: Os postos deberán adaptarse ás medidas indicadas na inscrición, deixando ademais un metro de paso entre postos. Se na montaxe se comproba que non se respectan as medidas comunicadas, a organización poderá, baixo o seu criterio, impedir a participación.
- Montaxe e vehículos: A posición de cada posto será asignada pola organización. Os postos montaranse preferentemente o venres día 24 de xullo a partir das 10:00 horas. Non se poderá montar sen previa autorización. Para facilitar a montaxe, os vehículos deberán retirarse do espazo o antes posible tras descargar. No caso de non cumprirse este procedemento, a Policía Local poderá ordenar o desaloxo do vehículo ou impoñer sanción.
- Horarios de apertura:
- O mercado abrirá ás 17:00 horas do venres 24 de xullo.
- Sábado 25 e domingo 27 de xullo: Horario de apertura de 11:00 a 21:00 horas.
- Os actos de celebración comezarán ás 11:00 horas do sábado 25 de xullo.
- Servizos dispoñibles: Os postos dispoñen de toma de luz e auga, poden facer uso dos baños e estamos xestionando a posibilidade de acceder a duchas.
- Exclusividade artesanal: Non se aceptan postos de revenda nin de produtos de segunda man. Só se admitirán produtos artesanais.
- Ambientación obrigatoria: Será obrigatorio que os feirantes vaian vestidos con traxe de época medieval e decoren os seus postos en coherencia coa ambientación do evento.
- Dereito de exclusión: A organización resérvase o dereito de excluír calquera posto o día do evento se non cumpre estas normas, sen dereito a reembolso. Así mesmo, non se devolverá o importe da inscrición en caso de inasistencia por parte do feirante.
📩 Contacto e máis información
👉 Correo electrónico: asociacionempresarioscamarinas@gmail.com
Camariñas agárdate para gozar dunha fin de semana máxica, chea de historia, tradición e artesanía no Mercado Medieval de 2026.
